तिमी समीप आइदिंदा तिमीसँगै बसौं जस्तो
तिमी ओझेल हुन लाग्दा भिरबाट खसौं जस्तो

कल्पना मै डुबिसके तिमी अन्तै धाउने गर्छौ
पाउन अब तिमीलाई लाग्छ कम्मर कसौं जस्तो

मायाजालमा परेर नै पागल भैइ हिंडछन कति
मलाई भने झनै लाग्छ मायाजालमा फसौं जस्तो

माया गर्नु हुन्न यो त आँफै बस्छ भन्थ्यौ तिमी
त्यही माया पाउन लाग्छ मुटु भित्रै पसौं जस्तो

तिमीलाई आफ्नो भन्नेहरू जताततै देख्न पाउँदा
लाग्न थाल्छ ती सबैलाई सर्प बनी डसौं जस्तो

खरानी सरह बन्न पुगे अनमोल यी सपनाहरू
किन लाग्छ त्यहि खरानि अनुहारमा घसौ जस्तो