च्यातिएँको मुटुलाई धेरै पल्ट सिएँ मैले
तिम्रो याद आइदिंदा फेरि पनि पिएँ मैले

किन टाढा गयौ तिमी मलाई एक्लै छोडी यहाँ
सुख दु:खमा साथ तिमीलाई दिएकै त थिएँ मैले

मन भरि ब्यथा लुकाई हाँस्न पनि सक्दिन म
तिमी हाँसे पुग्यो मलाई आसुँहरू लिएँ मैले

अर्कैसँग रमाई रमाई जीवन तिम्रो सार्थक होला
आफ्नो जीवन जिउनु जति एकै लासमा जिएँ मैले

अरुसँग माया गाँस्ने साहस पनि छैन अब
मुटुभरि भरि माया तिमीलाई नै दिएँ मैले